Fyrra Krønikubók kap. 14

Uppsetan
Bíbliu útgáva
American Standard Version EN Danska Bíblian DK King James Version EN Victor Danielsen FO
Tema
Ljóst tema Myrkt tema
Skriftstødd
Lítil Miðal Stór
Fleir
Strong's Orð Jesusar í reyðum Yvirskriftir
iii. David’s Family Grows
14:1-7:1
1 Hiram kongur í Týrus sendi menn til Dávid við sedrisviði, og hann sendi steinhøggarar og træsmiðir at byggja honum hús.
2 Dávid dugdi nú at síggja, at HARRIN hevði grundfest kongadømi hansara yvir Ísrael; tí ríki hansara var lyft høgt fyri fólks Hansara, Ísraels, skuld.
3 Og Dávid tók sær enn fleiri konur í Jerusalem, og hann fekk enn fleiri synir og døtur.
4 Hetta eru nøvn sonanna, ið hann fekk í Jerusalem: Sammua, Sobab, Natan, Sálomo,
5 Jibhar, Elisua, Elpelet,
6 Noga, Nefeg, Jafia,
7 Elisama, Be’eljada og Elifelet.
iv. Two Victories over the Philistines
14:8-17:1
8 Táið Filistarar fingu at hoyra, at Dávid var salvaður til kong yvir Ísrael, hildu allir Filistarar avstað at fáa fatur á Dávidi. Táið Dávid frætti hetta, fór hann ímóti teimum.
9 Filistarar komu so og spreiddu seg um Refa’imsdal.
10 Tá spurdi Dávid Gud: „Skal eg fara ímóti Filistarum? Fert Tú at geva teir í hendur mínar?“ HARRIN svaraði: „Halt avstað! So skal Eg geva teir í hendur tínar.“
11 Teir fóru nú til Ba’al-Perazim, og har vann Dávid sigur á teimum. Tá segði Dávid: „Gud hevur við hond míni brotið ígjøgnum fíggindar mínar, eins og vøtn bróta ígjøgnum!“ – Tí varð hetta stað rópt Ba’al-Perazim.*
12 Har lótu teir avgudar sínar eftir, og Dávid beyð, at teir skuldu verða brendir.
13 Men Filistarar komu aftur og spreiddu seg um dalin.
14 Táið Dávid tá aftur spurdi Gud, svaraði Gud honum: „Tú skalt ikki fara eftir teimum; vend tær frá teimum og gakk í bug, so tú kemur yvir teir beint yvir av bakatrøunum!
15 Táið tú hoyrir, at gingið verður á toppum bakatræanna, skalt tú byrja bardagan – Gud er farin út fyri tær at vinna Filistaraherin.“
16 Dávid gjørdi, sum Gud hevði sagt við hann; og teir vunnu sigur á Filistaraherinum og eltu teir úr Gibeon líka til Gezer.
17 Í øllum londum gekk orð av Dávidi; HARRIN læt ótta fyri honum falla á øll fólk.
0 vers vald

Trýst á vers fyri at leggja afturat ella taka burtur.

Fyrri kapittul
Næsti kapittul