Seinna Kongabók kap. 21
Uppsetan
Bíbliu útgáva
Tema
b.
Manasseh of Judah
21:1-18:1
i.
Manasseh the Evil King
21:1-9:1
1
Manasse var 12 ár, táið hann gjørdist kongur, og 55 ár stýrdi hann í Jerusalem; móðir hansara æt Hefziba.
2
Hann gjørdi tað, sum ónt var í eygum HARRANS, eftir hinum viðurstyggiligu siðum tjóðanna, ið HARRIN hevði rikið burtur fyri Ísraelsmonnum.
3
Hann reisti av nýggjum offurheyggjarnar, ið Ezekias, faðir hansara, hevði lagt í oyði; hann reisti Ba’al altar og læt gera Asjeru, eins og Akab ísraelskongur hevði gjørt; og hann tilbað allan her himmalsins og dýrkaði hann.
4
Hann reisti altar í húsi HARRANS, sum HARRIN hevði sagt um: „Í Jerusalem skal Eg lata navn Mítt búgva.“
5
Øllum heri himmalsins reisti hann altar, í báðum forgørðum hús HARRANS.
6
Hann læt son sín ganga gjøgnum eldin, fekst við spádóm og gand, fekk sær fólk, ið manaðu deyð, og spámenn – og gjørdi mangt, sum ónt var í eygum HARRANS, so hann vakti vreiði Hansara.
7
Asjerumyndina, ið hann læt gera, setti hann í húsið, sum HARRIN hevði sagt um við Dávid og son hansara Sálomo: „Í hesum húsi og í Jerusalem, sum Eg havi útvalt av øllum ættum Ísraels, skal Eg til ævigar tíðir lata navn Mítt búgva;
8
og Eg skal ikki aftur lata Ísrael fara heimleyst burtur úr landinum, ið Eg gav fedrum teirra – so satt sum tey bert akta eftir at gera alt tað, ið Eg havi álagt teimum, eftir allari lógini, ið tænari Mín Móses gav teimum.“
9
Men tey vildu ikki lurta eftir, og Manasse villleiddi tey, so tey bóru seg verri at enn fólkasløgini, ið HARRIN hevði oytt fyri Ísraelsmonnum.
ii.
Manasseh’s Idolatries Rebuked
21:10-17:1
10
Tá talaði HARRIN við tænarum Sínum profetunum og segði:
11
„Aftur fyri at Manasse judakongur hevur borið seg so viðurstyggiliga at, gjørt tað, ið verri er enn alt tað, ið Amoritar, ið fyri honum vóru, gjørdu, og haraftrat við avgudum sínum hevur komið Juda at synda,
12
tí sigur HARRIN Gud Ísraels so: Eg skal lata vanlukku koma yvir Jerusalem og Juda, so ringja skal fyri báðum oyrum alra, ið hoyra um tað!
13
Eg skal strekkja sama málisnøri yvir Jerusalem sum yvir Samaria og nýta sama lodd sum móti húsi Akabs; Eg skal turka Jerusalem burt, eins og fat verður turkað og síðani, táið tað er turkað, verður hálvt.
14
Eg skal vraka tað, ið eftir er av arvaluti Mínum, og geva tey í hendur fígginda teirra; og tey skulu verða øllum fíggindum sínum til fong og rán,
15
aftur fyri at tey hava gjørt tað, sum ónt er í eygum Mínum, og eggjað Meg til vreiði, frá tí degi fedrar teirra fóru út av Egyptalandi líka til henda dag!“
16
Manasse úthelti eisini so ógvuliga nógv sakleyst blóð, at hann fylti Jerusalem við tí úr enda í enda – ikki at tala um syndina, at hann villleiddi Juda til at synda og gera tað, sum ónt var í eygum HARRANS.
17
Tað, ið annars er at siga um Manasse, um alt, ið hann gjørdi, og um syndina, ið hann gjørdi, tað er skrivað í kongakrøniku Juda.
iii.
Amon Succeeds Manasseh
21:18
18
So legðist Manasse til hvíldar hjá fedrum sínum og varð jarðaður í urtagarðinum við hús sítt, í urtagarði Uzza. Og sonur hansara Amon tók ríkið eftir hann.
c.
Amon of Judah
21:19-26:1
i.
Amon the Evil King
21:19-22:1
19
Amon var 22 ár, táið hann gjørdist kongur, og 2 ár stýrdi hann í Jerusalem; móðir hansara æt Mesullemet; hon var dóttir Harus og var úr Jotba.
20
Hann gjørdi tað, sum ónt var í eygum HARRANS, eins og Manasse, faðir hansara, hevði gjørt.
21
Hann gekk í einum og øllum somu leið, sum faðir hansara hevði gingið, dýrkaði avgudarnar, ið faðir hansara hevði dýrkað, og tilbað teir.
22
HARRANUM Gudi fedra sína vendi hann bakið og gekk ikki leiðir HARRANS.
ii.
Amon’s Murder and Avenging
21:23-24:1
23
Tænarar Amons svóru seg saman ímóti honum og drópu kongin í húsi hansara.
24
Men fólkið í landinum drap allar teir, ið høvdu svorið seg saman móti Amon kongi, og gjørdi síðani son hansara Josias til kong eftir hann.
iii.
Josiah Succeeds Amon
21:25-26:1
25
Tað, ið annars er at siga um Amon, um tað, ið hann gjørdi, er skrivað í kongakrøniku Juda.
26
Hann varð jarðaður í grøv síni í urtagarði Uzza; og sonur hansara Josias tók ríkið eftir hann.