Hoseas kap. 12

Uppsetan
Bíbliu útgáva
American Standard Version EN Danska Bíblian DK King James Version EN Victor Danielsen FO
Tema
Ljóst tema Myrkt tema
Skriftstødd
Lítil Miðal Stór
Fleir
Strong's Orð Jesusar í reyðum Yvirskriftir
iii. A Reproof of Ephraim, Judah, and Jacob
12:1-14:1
1 Efra’im hevur kringsett Meg við lygn, og hús Ísraels við sviki; og Juda stendur enn Gudi ímóti, hinum trúfasta Heilaga.
2 Efra’im stundar eftir vindi og stevnir eftir eystanstormi; allan dagin dungar hann saman lygn og yvirgang; teir gera sáttmála við Assur, fara til Egyptalands við olju.
3 HARRIN hevur søk við Juda, og Hann skal heimsøkja Jákup fyri atburð hansara, løna honum fyri verk hansara.
4 Í móðurlívi helt hann í hæl bróður síns, og í manndómsmegi síni bardist hann við Gud.
5 Hann bardist við eingilin og vann; hann græt og bað hann um náði; í Betel møtti Hann honum, og har talaði Hann við okkum
6 – HARRIN Gud herskaranna; HARRIN er navn Hansara.
7 Og tú, til Gud tín skalt tú venda aftur; halt fast við miskunn og rætt, og bíða altíð eftir Gudi tínum!
8 Kána’an* – følsk vekt er í hond hansara; at gera órætt, tað er tað, ið honum dámar.
9 Og Efra’im sigur: „Ja, eg eri vorðin ríkur, havi vunnið mær góðs; men í øllum strevi mínum skal eingin kunna finna nakran órætt, nakra synd!“
10 Men Eg eri HARRIN Gud tín úr Egyptalandi; Eg skal aftur lata teg búgva í tjøldum sum hátíðardagarnar.
11 Eg havi talað til profetarnar, latið teir sæð sjónir í hópatali; við profetunum havi Eg talað í líknilsum.
12 Er Gilead fult av misgerðum, skulu tey eisini verða til púrt einki; hava teir ofrað tarvar í Gilgal, skulu eisini altar teirra verða sum grótrúgvur fram við foyrum akursins.
13 Jákup flýddi til Áramsland, Ísrael tænti fyri konu; fyri at vinna konu røktaði hann seyð.
14 Við profeti leiddi HARRIN Ísrael út av Egyptalandi, og við profeti røktaði Hann tað.
15 – Efra’im hevur vakt beiska vreiði; tí skal Harri hansara lata blóðskyld hansara koma yvir hann og lata háð hansara falla aftur á hann sjálvan.
0 vers vald

Trýst á vers fyri at leggja afturat ella taka burtur.

Fyrri kapittul
Næsti kapittul