Ezra kap. 7
Uppsetan
Bíbliu útgáva
Tema
2.
Ezra's Return from Babylon
7:1-10:44
a.
Ezra's Return
7:1-8:36
i.
Ezra Arrives at Jerusalem
7:1-10:1
1
Nakað eftir hetta – meðan Artaxerxes persarakongur sat við stýrið – fór Ezra, sonur Seraja, son Azarja, son Hilkia,
2
son Sallum, son Zadok, son Ahitub,
3
son Amarja, son Azarja, son Merajot,
4
son Zeraja, son Uzzi, son Bukki,
5
son Abisua, son Pinehas, son Eleazar, son Áron høvuðsprest
6
– hesin Ezra fór heim úr Bábel. Hann var skriftlærdur maður, kunnigur við Móselóg, hana, ið HARRIN Gud Ísraels hevði givið. Og við tað at HARRIN Gud hansara helt hond Sína yvir honum, læt kongurin hann fáa alt, ið hann bað um.
7
Nakrir av Ísraelsmonnum og av prestunum, Levitunum, sangarunum, duravaktarunum og tempultænarunum fóru við honum til Jerusalem, sjeynda árið ið Artaxerxes kongur sat við stýrið.
8
Í fimta mánaði kom hann til Jerusalem – tað var sjeynda árið, ið kongurin sat við stýrið.
9
Tí tann fyrsta í fyrsta mánaði gjørdi hann av at fara úr Bábel, og tann fyrsta í fimta mánaði kom hann til Jerusalem – við tað at Gud hansara helt góðu hond Sína yvir honum.
10
Tí Ezra hevði vent hjarta sínum til at granska í lóg HARRANS og gera eftir henni og til at læra onnur í Ísrael lóg og rætt.
ii.
Atraxerxes’ Letter for Ezra
7:11-26:1
11
Hetta er avskrift av brævinum, ið Artaxerxes kongur fekk Ezra presti, hinum skriftlærda, sum var kunnigur við boðini og lógirnar, ið HARRIN hevði givið Ísrael:
12
„Artaxerxes, kongur konganna – til Ezra prest, hann, sum er fulllærdur í lóg Guds Himmalsins“ – og so framvegis.
13
„– Eg havi givið boð um, at hvør tann av Ísraelsfólki og av prestum og Levitum teirra, sum er í ríki mínum, og sum hevur hug at fara til Jerusalem, kann fara við tær,
14
við tað at tú ert sendur av konginum og hinum sjey ráðgevarum hansara til at granska viðurskiftini í Juda og Jerusalem – eftir lóg Guds tíns, sum tú hevur í hondum –
15
og til at flyta hagar silvurið og gullið, sum kongurin og ráðgevarar hansara sjálvkravdir hava givið Gudi Ísraels – Honum, sum hevur bústað Sín í Jerusalem –
16
og somuleiðis alt tað silvur og gull, ið tú kanst fáa í øllum landspartinum Bábel, og tær sjálvkravdu gávur, ið fólkið og prestarnir vilja lata til hús Guds síns í Jerusalem.
17
Tí skalt tú fyri henda pening sum ærligur maður keypa tarvar, veðrar og lomb við matofrunum og drykkjuofrunum, ið til hoyra, og tú skalt ofra hetta á altarinum í húsi Guds tykkara í Jerusalem.
18
Og tað, ið eftir verður av silvurinum og gullinum, við tað skulu tú og brøður tínir gera, sum tykkum tykir best – eftir vilja Guds tykkara.
19
Men íløtini, ið tú hevur fingið til tænastuna í húsi Guds tíns, skalt tú lata frá tær fyri ásjón Guds Jerusalems.
20
Tað, ið tú annars kemur undir at gjalda – sum neyðugt er at lata til hús Guds tíns – skalt tú lata gjalda úr skattkamari kongsins.
21
Eg, Artaxerxes kongur, gevi hervið øllum skattmeistarum hinumegin Ánna boð um, at alt, ið Ezra prestur, hin skriftlærdi, sum kennir lóg Guds Himmalsins, biður tykkum um, skal latast, áðrenn hálvtalað er orðið
22
– líka inntil 100 talentir av silvuri, 100 kor av hveiti, 100 bat av víni og salt ómált.
23
Alt tað, ið Gud Himmalsins gevur boð um, má verða lagt sær eina við at gera fyri hús Guds Himmalsins, so ikki vreiði kemur yvir ríki kongsins og sona hansara.
24
Tað veri tykkum kunngjørt, at eingin skal hava rætt at leggja skatt, toll ella vegpening á prestar, Levitar, sangarar, duravaktarar, tempultænarar ella nakran annan, ið hevur tænastu við hetta gudshús.
25
Og tú, Ezra, skalt – eftir vísdóminum, ið tú hevur fingið frá Gudi tínum – innseta dómarar og lógkønar at døma alt fólkið hinumegin Ánna, øll tey, ið kenna lóg Guds tíns; og kennir onkur hana ikki, skulu tit læra hann hana.
26
Er onkur, sum ger ikki eftir lóg Guds tíns og eftir lóg kongsins, yvir hann skal í rættvísi fellast dómur, tað veri nú til deyða, útlegd, peningabót ella fangahús.“
iii.
Ezra Blesses God
7:27-28:1
27
Lovaður veri HARRIN Gud fedra okkara, sum gav kongi slíkt í hjarta, so hús HARRANS í Jerusalem kundi verða prýtt,
28
og sum læt meg finna náði hjá kongi og ráðgevarum hansara og hjá øllum hinum mætu høvdingum kongs! Eg kendi meg sterkan, við tað at HARRIN Gud mín helt hond Sína yvir mær, og eg fekk savnað saman nakrar av høvdingum Ísraels til at fara heim við mær.