Titusarbrævið kap. 2

3. In the Household

2:1-15:1

a. Teaching Sound Doctrine

2:1-10:1

1 Men tala tú tað, sum sømir hini heilnæmu læru:

2 At gamlir menn skulu vera fráhaldandi, siðprúðir, høviskir, heilbjargnir í trúnni, í kærleikanum, í tolinum;

3 at gamlar kvinnur somuleiðis skulu skikka sær, sum heilagum sømir, ikki baktala, ikki vera trælir av drykki, men lærarar í tí, sum gott er,

4 so tær kunnu læra hinar ungu kvinnur at elska menn sínar og børn síni,

5 at bera seg sámiliga at, vera reinar, húsligar, góðar, sínum egnu monnum undirgivnar, so orð Guds verður ikki spottað!

6 Áminn somuleiðis hinar ungu menn at hava sámiligan atburð,

7 og vís í øllum teg sjálvan sum fyrimynd í góðum verkum! Ber fram óspilta, siðprúða læru,

8 heilnæma, ólastandi talu, so mótstøðumaðurin verður til skammar, við tað at hann einki ilt hevur at siga um okkum!

9 Áminn trælir at vera teirra egnu harrum undirgivnar, at vera teimum til vildar á allan hátt, ikki siga ímóti,

10 ikki vera ótrúgv, men vísa allan góðan trúskap, so tey á allan hátt kunnu prýða læru Guds, Frelsara okkara!

b. God’s Grace Brings Salvation

2:11-15:1

11 Tí náði Guds er opinberað, øllum menniskjum til frelsu,

12 og hon venur okkum upp at avnokta gudloysi og hinar veraldligu girndir og liva sámiliga, rættvíst og gudiliga í heiminum, sum nú er,

13 meðan vit vænta hina sælu vón og opinbering dýrdar hins stóra Guds og Frelsara okkara Jesu Krists,

14 sum gav Seg sjálvan fyri okkum at loysa okkum úr øllum lógloysi og reinsa Sær sjálvum ognarfólk, íðið til góð verk.

15 Tala hetta og áminn og revsa við øllum myndugleika – lat ongan vanvirða teg!

Titusarbrævið kap. 2 Uppsetan